राखी का स्वयंवर

Kya aapne RAKHI KA SWAYAMVAR dekha? Ek mahine ke andar hi esse jude kisse itne rahe ki likhne ko mazboor hona pada. Waise es nautanki ka 5% hi maine dekha hoga lekin eske baare me roj nayee baaate sunne ko milti, aant me jaisi Rakhi se ummeed ki ja sakti thi, uske sath natak ka patakshep ho gaya. Hamare riste ke ek nanaji hain, adhiktar samachar hi dekhte hain; lekin news-channels bhi RAKHI ki mahima ka bakhan kar rahe the, to wah bhi es moh-jaal me fas hi gaye. Rakhi ka swyamvar, bus shuru hone hi wala tha; aj uska mahila-sangeet tha. Nanaji ne kitchen me jakar gas jalai aur us mai doodh ubalne ke liye bartan rakh diya. Doodh ka packet doond hi rahe the ki andar se aawaz aa gayi ki jaldi aao; shuru ho gaya. Fir kya tha? Nanaji bheetar bhage, socha hoga ki doodh abhi dal dunga. Rakhi ke Rangeela Ranbakuron ka dance dekhne mai aise mast hue ki kuch dhyan na raha; add aane par apni beti ko aawaz di ki dekh aana ki kitchen ki light to nahi jali hai. Beti par bhi rakhi ka shurur chada huwa tha, usne jawab diya, ‘nahi’. Episod samapt huwa, Nainital ke kohre bhari thand me razai se muh dhakkar meethi neend so gaye. Bhor huwi, kitchen me nani chai banane ke liye pahuchi, to sar pakad kar baith gayee. Gas abhi bhi jali thi, rasoi me dhuwa tha; bartan ki paindi puri jal chuki thi, uski jagah par kewal hole tha. Aas-paas koi aur wastu na hone se ek agni-kand hone se rah gaya. Yah to kewal ek kissa hai, wastawik haqqikat to aap sabhi buddhijeevi jante hain, lekin MULUK KUMAON me bhi Rakhi ka craze thaira…tabhi to muluk kumaon ke log bhi T.V. se sab kaam-dhaam chhoda kar chipak gaye thahre…